నూడిల్స్ బండి దగ్గర వివాదం..ఓ వ్యక్తిపై మరొకరు కత్తితో దాడి

నూడిల్స్ బండి దగ్గర తలెత్తిన వివాదంలో ఓ వ్యక్తి  మరో వ్యక్తిపై కత్తితో దాడి చేసిన ఘటన కృష్ణా జిల్లా గన్నవరం మండలం కేసరపల్లిలో చోటు చేసుకుంది. ఈ దాడిలో ప్రసాద్ అనే తీవ్రంగా గాయాలపాలయ్యాడు

కృష్ణా జిల్లా గన్నవరం మండలం కేసరపల్లి గ్రామంలో నూడిల్స్ బండి దగ్గర తలెత్తిన వివాదం కత్తిపోట్లకు దారి తీసింది. నూడిల్స్ బండి నడుపుతున్న సతీష్ అనే యువకుడికి అదే గ్రామానికి చెందిన పొలిచర్ల ప్రసాద్ అనే వ్యక్తి మధ్య వాగ్వాదం జరిగింది. ఈ క్రమంలో ప్రసాద్​పై సతీష్ కత్తితో దాడి చేయగా గాయాలపాలయ్యాడు. తీవ్రంగా గాయపడిన ప్రసాద్​ను 108 వాహనంలో విజయవాడ ప్రభుత్వ ఆసుపత్రికి తరలించారు. సంఘటనపై గన్నవరం పొలీసులు కేసు నమోదు చేసి దర్యాప్తు చేస్తున్నారు.