విజయవాడ నగరంలోని అనధికారికంగా ఏర్పాటు చేసిన హోర్డింగ్‌లు, ప్రకటన బోర్డులు, బ్యానర్లు, పోస్టర్లను పూర్తిగా తొలగించకుంటే చట్టప్రకారం చర్యలు తీసుకుంటామని నగరపాలక సంస్థ హెచ్చరించింది. అందుకు బాధ్యుల నుంచి భారీగా అపరాధ రుసుము విధించి, వసూలు చేస్తామని పట్టణ ప్రణాళికాధికారి లక్ష్మణరావు తెలిపారు.
ప్రకటన బోర్డులు, హోర్డింగుల ఏర్పాటుకు.. అనుమతి తప్పనిసరి - పట్టణ ప్రణాళికాధికారి తాజా వ్యాఖ్యలు
ప్రకటనల బోర్డులు, హోర్డింగ్‌లు ఏర్పాటు చేసే ముందు ఆయా ఏజెన్సీలు, వ్యాపారులు నగరపాలక సంస్థ అనుమతి ఉందీ, లేనిదీ ముందుగా పరిశీలించాలని పట్టణ ప్రణాళికాధికారి లక్ష్మణరావు తెలిపారు. లేని పక్షంలో బాధ్యులైన వ్యాపార సంస్థలు, ఏజెన్సీల డీ అండ్‌ ట్రేడ్‌ లైసెన్సులు రద్దు చేస్తామని, అదనపు ఆస్థిపన్ను విధింపు, జరిమానా తప్పదని తేల్చి చెప్పారు.
ప్రకటన బోర్డులు, హోర్డింగులపై నగరపాలక సంస్థ కొరడా
పలు ప్రాంతాల్లో హోర్డింగ్‌లు కూలిపోయి ప్రాణనష్టానికి తోడు.. ఇతర సమస్యలు ఉత్పన్నమయ్యాయని చెప్పారు. నగర పాలక సంస్థ సెక్షన్‌ సీఆర్‌ 134 ప్రకారం బాధ్యులపై చర్యలు తీసుకుంటామని స్పష్టం చేశారు. పండుగల శుభాకాంక్షలు, రాజకీయ నాయకులు, వ్యక్తిగత అభినందనలు అంటూ విచ్ఛలవిడిగా బ్యానర్లు, హోర్డింగ్‌లు ఏర్పాటు చేసి నగర సుందరీకరణను దెబ్బతీస్తే... అందుకు ఏజెన్సీలు సైతం బాధ్యత వహించాల్సి ఉంటుందని హెచ్చరించారు.
ఇవీ చూడండి: