అంతర్జాతీయ క్రికెట్‌లో మెరవనున్న దివిసీమ బిడ్డ
2022 ప్రపంచకప్‌కు ఎంపికైన భారత మహిళా క్రికెట్‌ జట్టులో సబ్బినేని మేఘనకు.. స్టాండ్‌బై ప్లేయర్‌గా.. చోటు దక్కింది. మేఘన స్వస్థలం కృష్ణా జిల్లా నాగాయలంక. తల్లిదండ్రులు శ్రీనివాసరావు, మాధవి ఉద్యోగ రీత్యా రెండు దశాబ్దాల క్రితం నాగాయలంక నుంచి.. విజయవాడ వెళ్లారు. విద్యుత్తుశాఖలో ఏఈగా పనిచేస్తున్న శ్రీనివాసరావు రాష్ట్ర విభజన అనంతరం తెలంగాణ రాష్ట్రంలోని మిర్యాలగూడలో స్థిరపడ్డారు. శ్రీనివాసరావు రెండో కుమార్తె మేఘన.. క్రికెట్‌పై ఆసక్తి పెంచుకుంది. పలు పోటీల్లో పాల్గొని.. ప్రతిభను నిరూపించుకుంది. ఇప్పుడు అంతర్జాతీయ క్రికెట్‌లో అడుగుపెట్టే అవకాశం దక్కించుకుంది. మార్చి 4 నుంచి.. ఏప్రిల్‌ 3 వరకు న్యూజిలాండ్‌లో జరిగే, ప్రపంచకప్‌ పోటీల్లో భారత్‌ తరఫున మేఘన ఆడే అవకాశం ఉంది.