తెలంగాణలోని సూర్యాపేట జిల్లా కోదాడ మండలం రామాపురం క్రాస్ రోడ్డు (నల్లబండగూడెం) వద్ద తీవ్ర ఉద్రిక్తత నెలకొంది. హనుమాన్ వైన్స్ వద్ద జరిగిన దాడిలో కృష్ణా జిల్లా జగ్గయ్యపేట మండలం షేర్మహమాద్పేటకు చెందిన నాగేశ్వరావు మృతిచెందాడు. మద్యం దుకాణం సిబ్బంది దాడిలోనే నాగేశ్వరరావు మరణించినట్లు బంధువులు ఆరోపించారు.
దుకాణం ఎదుట ఆందోళన చేపట్టారు. ఫలితంగా ఆ ప్రాంతంలో ఉద్రిక్త వాతావారణం నెలకొంది. పోలీసులు రంగ ప్రవేశం చేసి.. ఆందోళనకారులను నచ్చజెప్పినా వారు శాంతించలేదు. మద్యం దుకాణ లైసెన్సు రద్దుచేయాలంటూ బంధువులు నినాదాలు చేశారు.