కరోనా నివారణకు నారా లోకేశ్​ చిట్కాలు..!

అలవాటైన చేతిని ఎక్కువగా వాడకపోతే కరోనాను నివారించవచ్చని తెలుగుదేశం పార్టీ జాతీయ ప్రధాన కార్యదర్శి నారా లోకేశ్​ అభిప్రాయపడ్డారు. కరోనా వ్యాప్తి ని అరికట్టేందుకు ఆయన పలు సూచనలు చేశారు.

కరోనాను నివారించడానికి అలవాటైన చేతిని ఎక్కువగా వాడకపోవటం మంచిదని నారా లోకేశ్ ట్వీట్ చేశారు. కుడిచేతి వాటం వాళ్లు ఎడమ చేతితో, ఎడమచేతి వాటం వాళ్లు కుడిచేతితో తలుపులు తియ్యడంలాంటి పనులు చేయాలని సూచించారు. తద్వారా ఆ చేతిని ముఖానికి తాకడం తగ్గుతుందన్నారు. ఈ చిన్న జాగ్రత్త కొంతవరకు కరోనా బారిన పడకుండా ఆపుతుందన్న లోకేశ్​.. ఇది కేవలం ఒక చిట్కా మాత్రమేనని తెలిపారు. రెండు చేతులను శుభ్రంగా కడుక్కోవడం తప్పనిసరి అని స్పష్టం చేశారు. కరోనా మహమ్మారిని ఎదుర్కోవడానికి కొన్ని దేశాలు తలపట్టుకుంటుంటే కొరియాలాంటి దేశాల్లో ఈ తరహా చిన్న చిట్కాలతో కరోనాకి చెక్ పెట్టారని ట్విట్టర్ ద్వారా వెల్లడించారు.

ఇవీ చదవండి:లాక్​డౌన్ వేళ విద్యుత్ బిల్లుల నుంచి ఉపశమనం!