రాష్ట్రవ్యాప్త బంద్​కు వామపక్షాల పిలుపు

విశాఖ ఉక్కు పరిశ్రమ ప్రైవేటీకరణను వ్యతిరేకిస్తూ మార్చి అయిదో తేదీన రాష్ట్రవ్యాప్త బంద్​కు వామపక్ష పార్టీల నేతలు పిలుపునిచ్చారు. ప్రైవేటు వ్యక్తులకు లబ్ధి కలిగేలా భాజపా ప్రభుత్వం వ్యవహరిస్తోందని సినీ నటుడు ఆర్.నారాయణమూర్తి ఆరోపించారు.

మార్చి 5వ తేదీన రాష్ట్రవ్యాప్త బంద్​కు పిలుపునిస్తూ విజయవాడలో వామపక్ష పార్టీల నేతలు గోడ పత్రికను విడుదల చేశారు. ఈ కార్యక్రమంలో పాల్గొన్న సినీ నటుడు ఆర్​ నారాయణమూర్తి మాట్లాడుతూ ఉమ్మడి ఆంధ్రప్రదేశ్​లో ఎందరో ప్రాణ త్యాగాలు చేసి విశాఖ ఉక్కు పరిశ్రమను సాధించారని అన్నారు. ప్రైవేటు వ్యక్తులకు లబ్ధి చేకూర్చేలా భాజపా వ్యవహరిస్తోందని ఆయన మండిపడ్డారు. ఈ స్టీల్ ప్లాంట్​ను ప్రైవేటీకరణ చేస్తే కార్మికుల పరిస్థితి ఏమిటని ప్రశ్నించారు. మార్చి 5న జరిగే ఈ బంద్​లో అన్ని పార్టీలు ముందుకు రావాలని సీపీఎం రాష్ట్ర కార్యదర్శి మధు అన్నారు.

ఇదీచదవండి.