నాటు పడవల్లోనే లంక ప్రజల ప్రయాణాలు
కృష్ణా జిల్లా తొట్లవల్లురు వద్ద కృష్ణా నది ప్రవాహం ఉద్ధృతంగా కొనసాగుతుంది. వరద నీటితో ఉగ్రరూపం దాల్చిన కృష్ణమ్మ పాయలు లంకగ్రామాలను ముంచెత్తున్నాయి. రహదారులు, వంతెనలు మునిగిపోవడం వలన లంకగ్రామాలకు రాకపోకలకు నిలిచిపోయాయి. ఇప్పుడక్కడి ప్రజలకు నాటుపడవలపై ప్రయాణం దిక్కైంది. పాముల లంక ,కాట్రవాణిలంక, భైరవలంక గ్రామాల ప్రజలు ఎప్పుడు ఏ ప్రమాదం జరుగుతుందో అని బిక్కు బిక్కుమంటు గడుపుతున్నారు. పంటలన్నీ నీట మునిగిపోయాయి. నిత్యవసరాలు అందాలంటే నాటుపడవతో ప్రయాణం చేయక తప్పడం లేదని ప్రజలు ఆవేదన చెందుతున్నారు.