కృష్ణా జిల్లా వత్సవాయి మండలంలో పోలీసులుగా చలామణి అవుతూ డబ్బు వసూళ్లకు పాల్పడుతున్న ఐదుగురు ముఠా సభ్యులను పోలీసులు అరెస్టు చేశారు. ఈ మేరకు నందిగామ డీఎస్పీ నాగేశ్వర్ రెడ్డి కేసు వివరాలు వెల్లడించారు.
కొందరి ద్వారా వచ్చిన సమాచారం మేరకు ఎస్ఐ మహా లక్ష్మణుడు, సిబ్బంది.. ముఠా సభ్యులను చాకచక్యంగా పట్టుకున్నారని డీఎస్పీ వెల్లడించారు. వారి వద్ద నుంచి ఒక కారు, 2 ద్విచక్ర వాహనాలు, 5 సెల్ ఫోన్లు స్వాధీనం చేసుకున్నట్లు చెప్పారు. వారిపై రౌడీ షీట్ నమోదు చేస్తామని పేర్కొన్నారు.