కృష్ణా జిల్లా ముసునూరు మండల పరిధిలోని గోపవరం గ్రామానికి చెందిన ఓ వ్యక్తి కరోనాతో మృతి చెందాడు. ఇతని భార్యకూ కరోనా సోకగా.. 2 రోజులు క్రితం ఆమె చనిపోయింది. కుమారుడు కూడా వైరస్కు చిక్కి ఆస్పత్రిలో చికిత్స పొందుతున్నాడు.
ఈ క్రమంలో మృతదేహాన్ని తరలించేందుకు ఎవరూ ముందుకు రాలేదు. ముసునూరు ఎస్సై రాజారెడ్డి, తన సిబ్బందితో కలిసి కొవిడ్ జాగ్రత్తలు పాటిస్తూ... మృతదేహానికి అంత్యక్రియలు నిర్వహించారు. అనంతరం పరిసరాలను శానిటైజ్ చేయించారు.