కరోనాను ఎదుర్కోవటానికి 'కస్టమైజ్డ్ క్రష్' శిక్షణా కార్యక్రమం

కరోనా వైరస్​ వ్యాప్తి, నివారణ అంశాలపై ప్రధాని నిర్వహించిన వీడియో కాన్ఫరెన్స్​లో కృష్ణా జిల్లా కలెక్టర్ నివాస్ పాల్గొన్నారు. కరోనాను ఎదుర్కోవటానికి కస్టమైజ్డ్ క్రష్​ పేరుతో శిక్షణా కార్యక్రమం ఉంటుందన్నారు. దేశ వ్యాప్తంగా లక్ష మంది యువతకు ఈ శిక్షణను మూడు నెలల పాటు ఇస్తారని స్పష్టం చేశారు.

కరోనా వైరస్ కట్టడికి మరింత సన్నద్ధతగా ఉండాలని ప్రధాన మంత్రి తెలిపినట్లు కృష్ణా జిల్లా కలెక్టర్ నివాస్ వెల్లడించారు. కరోనా వైరస్ వ్యాప్తి, నివారణ అంశాలపై ప్రధానమంత్రి నరేంద్ర మోదీ నిర్వహించిన వీడియో కాన్ఫరెన్స్​లో జిల్లా కలెక్టర్ పాల్గొన్నారు. ఫ్రంట్ లైన్ వారియర్స్​కు కరోనా మహమ్మారిని ఎదుర్కోవటంలో తగినంత నైపుణ్యాన్ని పెంచేందుకు శిక్షణ నివ్వాలని ప్రధానమంత్రి సూచించినట్లు కలెక్టర్ తెలిపారు. కస్టమైజ్డ్ క్రష్ కోర్సు పేరుతో శిక్షణా కార్యక్రమం ఉంటుందన్నారు. హోమ్ కేర్ సపోర్ట్ ,బేసిక్ కేర్ సపోర్ట్ ,అడ్వాన్స్​డ్ డే కేర్ సపోర్ట్ ,ఎమర్జెన్సీ కేర్ సపోర్ట్ ,శాంపిల్ కేర్ సేకరణ ,వైద్య పరికరాలకు సంబంధించిన అంశాల్లో శిక్షణ ఉంటుందని స్పష్టం చేశారు. దేశ వ్యాప్తంగా లక్ష మంది యువతకు ఈ శిక్షణను మూడు నెలల పాటు ఇస్తారని తెలిపారు. ఆరోగ్య రంగంలో ఉన్న ప్రస్తుత, భవిష్యత్ అవసరాలను తీర్చేందుకు ట్రైనింగ్ ఉపయోగపడుతుందన్నారు.

ఇదీ చదవండి