గ్రామ, వార్డు సచివాలయాల్లో ఉన్న 1425 ఖాళీలను భర్తీ చేసేందుకు జిల్లా వ్యాప్తంగా పరీక్షలు నిర్వహించామని కలెక్టర్ ఇంతియాజ్ తెలిపారు. 1.19 లక్షల మంది పోస్టులకు దరఖాస్తు చేసుకోగా... 87,136 మంది పరీక్షలకు హాజరయ్యారని ఆయన చెప్పారు.
కొవిడ్-19 కారణంగా పరీక్షా కేంద్రాల వద్ద ప్రత్యేక జాగ్రత్తలు తీసుకున్నామని వివరించారు. గదికి 12 మంది అభ్యర్థులను మాత్రమే అనుమతించామన్నారు. పరీక్షలకు 8 మంది కొవిడ్ బాధితులు హాజరయ్యారని తెలియజేశారు. అభ్యర్థులు పరీక్షా కేంద్రాలకు వచ్చేందుకు ఆర్టీసీ బస్సులను ఏర్పాటు చేసినట్లు ఆయన పేర్కొన్నారు.