కొండపల్లి ఖిల్లా ఉత్సవాల్లో "పారా గ్లైడింగ్, హెలికాప్టర్ రైడింగ్"

కొండపల్లి ఉత్సవాల్లో ఏర్పాటు చేసిన పారాగ్లెడింగ్, హెలికాప్టర్ రైడింగ్ ను మంత్రి దేవినేని ఉమ, కృష్ణా జిల్లా కలెక్టర్ లక్ష్మీకాంతం ప్రారంభించారు.

రాష్ట్ర ప్రభుత్వం ప్రతిష్ఠాత్మకంగా చేపడుతున్న కొండపల్లి ఖిల్లా ఉత్సవాల్లో భాగంగా పారా గ్లైడింగ్ హెలికాఫ్టర్ రైడింగ్ కార్యక్రమాన్ని మంత్రి దేవినేని ఉమామహేశ్వరరావు, కృష్ణాజిల్లా కలెక్టర్ లక్ష్మీకాంతం ప్రారంభించారు. ఈ ఉత్సవాలలో ప్రత్యేక ఆకర్షణగా నిలిచే హార్స్ రైడింగ్, వివిధ సాంస్కృతిక కార్యక్రమాలను పర్యవేక్షించారు. అమరావతి నగర ప్రజలకు కనువిందు చేసేందుకు చక్కటి కార్యక్రమాలను నిర్వహిస్తున్నామని మంత్రి దేవినేని తెలిపారు. భావి తరాలకు కొండపల్లి ఖిల్లా ఘనతను తెలిపేలా ఈ ఉత్సవాలను జరపాలని కోరారు. వివిధ శాఖల సమన్వయంతో సాంస్కృతిక కార్యక్రమాలను సాయంత్రం వేళల్లో ఏర్పాటు చేస్తున్నామని కలెక్టర్ లక్ష్మీకాంతం వెల్లడించారు.