గెలుస్తా.. హ్యాట్రిక్ సాధిస్తా: కొనకళ్ల నారాయణ

మచిలీపట్నం పార్లమెంట్​ స్థానం నుంచి మూడోసారి నేనే గెలుస్తానని తెదేపా అభ్యర్ధి కొనకళ్ల నారాయణ  ధీమా వ్యక్తం చేశారు. కృష్ణాజిల్లా నందివాడ మండలంలో పర్యటించి ఓట్లు అభ్యర్థించారు.

మచిలీపట్నం పార్లమెంట్​ స్థానం నుంచిమూడోసారి నేనే గెలుస్తానని తెదేపా అభ్యర్ధి కొనకళ్ల నారాయణ ధీమా వ్యక్తం చేశారు. ఎన్నికల ప్రచారంలో భాగంగా కృష్ణాజిల్లా నందివాడ మండలంలో విస్తృతంగా పర్యటించి... ఓట్లు అభ్యర్థించారు. ముఖ్యమంత్రి చంద్రబాబు అమలు చేస్తున్న సంక్షేమ పథకాలే... ఈ ఎన్నికల్లో తెదేపాను భారీ ఆధిక్యంతో గెలిపిస్తాయని చెప్పారు. ప్రజా సమస్యలపై పోరాటం చేయాల్సి వస్తుందనే కారణంతో ప్రతిపక్షనేత జగన్ చట్టసభలకు రావటం లేదని కొనకళ్ల ఎద్దేవా చేశారు. ఏపీకి అన్యాయం చేసిన మోదీతో ఒప్పందం కుదుర్చుకున్నారని ఆరోపించారు.