కృష్ణా జిల్లా నందిగామ మండలం ఐతవరం జాతీయ రహదారిపై ఓ ఆటోలో అక్రమంగా తరలిస్తున్న 108 మద్యం సీసాలను పోలీసులు స్వాధీనం చేసుకున్నారు. ఇంజిన్ బాక్స్, సౌండ్ బాక్స్, బియ్యం బస్తాలలో మద్యం రవాణా చేస్తున్నారని గుర్తించిన స్థానిక సీ.ఐ కనకారావు ఆధ్వర్యంలో సోదాలు నిర్వహించి పట్టుకున్నారు. ఓ వ్యక్తిని అదుపులోకి తీసుకుని, ఆటోను స్వాధీనం చేసుకున్నారు.
సౌండ్ బాక్స్, బియ్యం బస్తాలలో మద్యం తరలింపు
రాష్ట్రంలో మద్యం ధరలు భారీగా పెరగడంతో... అక్రమ తరలింపునకు తెరలేచింది. పొరుగునే ఉన్న తెలంగాణ రాష్ట్రం నుంచి తక్కువ ధరకు కొనుగోలు చేసి అక్రమాలకు పాల్పడుతున్నారు. కృష్ణా జిల్లా ఐతవరంలో ఓ ఆటోలో.. ఇంజిన్ బాక్స్, సౌండ్ బాక్స్, బియ్యం బస్తాలలో అక్రమంగా తరలిస్తున్న మద్యం సీసాలను పోలీసులు పట్టుకున్నారు.
ఐతవరంలో అక్రమ మద్యం పట్టివేత