కృష్ణా జిల్లా వీరులపాడు(మం) జూజ్జారు గ్రామంలో షేక్ సయ్యద్ బాబు అనే వ్యక్తి పురుగుల మందు తాగి ఆత్మహత్యకు ప్రయత్నించాడు. తన భార్య మరో వ్యక్తితో సంబంధం పెట్టుకొని కనిపంచకుండాపోయిందని పోలీసులకు ఫిర్యాదు చేశాడు. పోలీసులు పట్టించుకోకపోవటంతో మనస్థాపానికి గురై సయ్యద్ పురుగుల మందు తాగాడు. ఆత్మహత్యకు పాల్పడిన వ్యక్తిని చికిత్స నిమిత్తం నందిగామ ప్రభుత్వ ఆసుపత్రికి తరలించారు.
ఈ వ్యవహారంపై.. అతడి భార్య స్పందించింది. భర్త వేరే వాళ్ళ మాటలు విని తనను ప్రతిరోజు కొడుతూ వేధిస్తున్నారని ఆరోపించింది. బావతోపాటుగా అత్త, మామలు తనను వేధించటం వల్లే ఇంటి నుంచి బయటకు వచ్చినట్లు తెలిపింది. మళ్లీ ఇంటికి వెళ్తే తనను చంపేస్తారని ఆవేదన వ్యక్తం చేసింది. అయితే తాను ఏ తప్పు చేయలేదని.. తన భర్త కావాలని నిందలు వేస్తూ, మందు తాగినట్లు నటిస్తున్నాడని వాపోయింది.