పాజిటివ్​ కేసుతో అప్రమత్తమైన విజయవాడ యంత్రాంగం

విజయవాడలో మరో కరోనా పాజిటివ్ కేసు నమోదైంది. ఈ నేపథ్యంలో అధికార యంత్రాంగం అప్రమత్తమైంది.

విజయవాడలో మరో కరోనా పాజిటివ్​ కేసు నమోదైన నేపథ్యంలో అధికార యంత్రాంగం అప్రమత్తమైంది. నగరం లోపల, బయట వాహనాల రాకపోకలపై నియంత్రణ విధించారు. బందర్ రోడ్డు, ఏలూరు రోడ్డు, బీఆర్​టీఎస్ రోడ్లపై బారికేడ్లు ఏర్పాటు చేశారు. ఆటోలు ఇతర ప్రైవేటు వాహనాలు బయటకు రాకుండా అడ్డుకుంటున్నారు. 31 వరకు ప్రజలు పోలీసులకు సహకరించాలని జిల్లా కలెక్టర్ ఇంతియాజ్​ తెలిపారు. విజయవాడ బస్టాండ్​లో బస్సులన్నీ ఎక్కడికక్కడ నిలిచిపోయాయి.

విజయవాడ నగరంలో కరోనా పాజిటివ్ కేసు నమోదైన నేపథ్యంలో నగరపాలక సంస్థ అధికారులు మరింత అప్రమత్తమయ్యారు. పారిశుద్ధ్య పనులు ముమ్మరం చేయడంతో పాటు... కరోనా సోకిన వ్యక్తి నివాసం పరిసరాలను ప్రత్యేక జోన్​గా ప్రకటించినట్లు వెల్లడించారు. రహదారుల్లో బారికేడ్లు ఏర్పాటు చేసి వాహనదారులను అడ్డుకుంటున్నారు. ఇప్పటికే విజయవాడ పండింట్ నెహ్రూ బస్​స్టేషన్​ వెలవెలబోతుంది.

ఇదీ చూడండిమన నుడి.. మన నది: రెండూ.. రెండు కళ్లు!