కృష్ణా జిల్లా మచిలీపట్నంలోని జిల్లా ఆస్పత్రిని.... బోధనాస్పత్రిగా అభివృద్ధి చేసేందుకు చర్యలు తీసుకోవాలని వైద్యారోగ్యశాఖ మంత్రి ఆళ్ల నాని... అధికారులను ఆదేశించారు. వైద్య కళాశాల నిర్మాణం కోసం ప్రతిపాదించిన స్థలాన్ని మంత్రులు పేర్ని నాని, కొడాలి నానితో కలిసి పరిశీలించారు.
స్థలం విషయంలో సంతృప్తి వ్యక్తం చేసిన మంత్రి ఆళ్ల నాని.. రాష్ట్ర వ్యాప్తంగా ఆస్పత్రులన్నింటినీ అభివృద్ధి చేసేలా చర్యలు తీసుకుంటున్నామని చెప్పారు. మచిలీపట్నంలోని జిల్లా ఆస్పత్రి నిర్వహణ తీరుపై అసంతృప్తి వ్యక్తం చేసిన ఆళ్ల నాని.. సూపరింటెండెంట్, ఇతర అధికారులపై ఆగ్రహం వ్యక్తం చేశారు.