మన విజయవాడ కార్యక్రమంలో భాగంగా ఇప్పటికే ఒకసారి వాడి పడేసే ప్లాస్టిక్ పై నిషేధం విధించింది. దీనిపై వివిధ సంస్థలకు, నగరవాసులకు విస్తృతంగా నగరపాలక సంస్థ అవగాహన కార్యక్రమాలు చేపట్టింది. ఈ మేరకు విజయవాడ నగరపాలక సంస్థ, కృష్ణా జిల్లా అధికారులు రాజపత్రాన్ని విడుదల చేశారు. గెజిట్ నోటిఫికేషన్ ప్రకారం నగరంలో ప్లాస్టిక్ తయారుచేయుట, నిల్వ, సరఫరా, రవాణా, అమ్మకం పూర్తిగా నిషేధం. ఈ నియమాలను ఉల్లంఘించిన వారిపై చట్టపరంగా చర్యలు తీసుకోనున్నట్లు రాజపత్రంలో వెల్లడించారు. పదిహేను రోజుల తర్వాత నుంచి ప్లాస్టిక్ వినియోగంపై నిషేధం పూర్తిస్థాయిలో అమలులోకి రానున్నట్లు గెజిట్ లో పేర్కొన్నారు.
స్వచ్ఛ విజయవాడ కోసం అధికారుల చర్యలు