విజయవాడ నగరంలో సంచలనం రేపిన గ్యాంగ్ వార్ కేసులో మరో నలుగురు నిందితులను పోలీసులు అరెస్ట్ చేశారు. అనంత కుమార్ అనే రౌడీషీటర్ తో పాటు అజయ్, శంకర్, మస్తాన్ లను అదుపులోకి తీసుకున్నారు. ఇప్పటి వరకు ఈ కేసులో రెండు ముఠాలకు చెందిన 50 మంది నిందితులను అరెస్ట్ చేసిన పోలీసులు.. దర్యాప్తు కొనసాగిస్తున్నారు.
పెనమలూరుకు చెందిన రౌడీషీటర్ అనంతకుమార్ పై 6 కేసులు ఉన్నాయని పోలీసులు గుర్తించారు. శాంతి భద్రతలకు విఘాతం కలిగిస్తుండటంతో.. అతన్ని 6 నెలల పాటు నగర బహిష్కరణ విధించినట్లు పోలీసులు ప్రకటించారు.