కృష్ణా జిల్లా కంకిపాడు విజయలక్ష్మి థియేటర్ సమీపంలో ఆర్టీసీ బస్సులో ప్రమాదం జరిగింది. పామర్రు నుంచి విజయవాడ వెళ్తున్న మెట్రో బస్సులో అకస్మాత్తుగా మంటలు చెలరేగాయి.
ఇంజన్లోని విద్యుత్ సంబంధిత లోపంతో ఈ మంటలు వ్యాపించినట్లు తెలుస్తోంది. ఒక్కసారిగా మంటలు ఏర్పడటంతో భయాందోళనకు గురైన ఆర్టీసీ సిబ్బంది బస్సును రోడ్డు పక్కన నిలిపివేశారు. అదే సమయంలో సినిమా హాల్ కూడలిలో ఉన్న యువత బస్సులోని ప్రయాణికులను కిందకు దింపి మంటలను ఆర్పారు. ఈ ఘటనలో ప్రయాణికులు సురక్షితంగా బయటపడ్డారు.