జగ్గయ్యపేట కరోనా వ్యాక్సిన్ కేంద్రం వద్ద తోపులాట
కరోనా వ్యాక్సినేషన్ ప్రక్రియలో భాగంగా... కృష్ణా జిల్లా జగ్గయ్యపేట ప్రభుత్వ బాలుర ఉన్నత పాఠశాలలో టీకా కేంద్రాన్ని ఏర్పాటు చేశారు. వ్యాక్సిన్ వేయించుకునేందుకు ఉదయం 8 గంటల నుంచే ప్రజలు వరసల్లో నిలబడ్డారు.
ఈ క్రమంలో టీకా కేంద్రానికి ఆలస్యంగా వచ్చిన వైద్య సిబ్బంది వ్యాక్సినేషన్ చేస్తుండగా... తమకు అందుతుందో లేదో అనే ఉద్దేశంతో జనమంతా ఒక్కసారిగా ఎగబడ్డారు. ఈ క్రమంలో కొందరు కిందపడిపోయారు.