రాష్ట్రాభివృద్ధిలో భాగస్వామ్యమయ్యేందుకు ఫ్రెంచి డెవలప్మెంట్ ఏజెన్సీ(ఎఫ్డీఏ) ముందుకొచ్చింది. గురువారం సచివాలయంలో పరిశ్రమల శాఖ మంత్రి గౌతమ్రెడ్డితో ఆ సంస్థ ప్రతినిధులు భేటీ అయ్యారు. ఏపీలో యువత అత్యున్నత చదువులకు అవసరమైన నైపుణ్య శిక్షణ, సాంకేతిక పరిజ్ఞానం అందించటానికి ఆర్థిక సాయం చేసేందుకు సంస్థ సిద్ధంగా ఉందని వారు మంత్రికి వివరించారు. అలాగే స్వయం సహాయక సంఘాల మహిళలు తయారు చేసే సృజనాత్మక హస్తకళలకు మార్కెటింగ్ సదుపాయాలు కల్పించటంతో పాటు రైతుల ఆదాయాన్నిపెంచడానికి ఫ్రెంచి ప్రభుత్వం తరఫున ఆర్థిక సాయమందిస్తామని వెల్లడించారు. ఏపీలో బ్లూ ఎకానమీ, స్మార్ట్ గ్రిడ్ నీటివనరులను సమర్థవంతంగా వినియోగించుకోవడం, వాటర్ ప్లాంటులు, నీటి సరఫరా వ్యవస్థను తీర్చిదిద్దడంలో తోడ్పాటునందించాలని ఎఫ్డీఏ బృందాన్ని మంత్రి కోరారు.
మంత్రి మేకపాటితో ఫ్రెంచి ప్రతినిధులు భేటీ