విపణిలోకి వెన్నశాతం తక్కువగా ఉండే పెరుగు
విజయవాడలో కృష్ణా మిల్క్ యూనియన్ యాజమాన్యం... వెన్న శాతం తక్కువగా ఉండే టోన్డ్ పాలతో నూతనంగా తయారు చేసిన 10 కిలోల పెరుగు బకెట్ను మార్కెట్లోకి ప్రవేశపెట్టారు. యూనియన్ ఛైర్మన్ చలసాని ఆంజనేయులు పెరుగు బకెట్ను విపణిలోకి విడుదల చేశారు. సామాన్య, మధ్యతరగతి వారికి కూడా విజయ పాల ఉత్పత్తులు అందించాలనే ఉద్దేశంతోనే ఈ పెరుగు బకెట్ను అందుబాటులోకి తీసుకొచ్చిన్నట్లు ఆయన పేర్కొన్నారు. త్వరలో మరికొన్ని ఉత్పత్తులు ప్రవేశపెట్టనున్నట్లు స్పష్టం చేశారు. ఈ మేరకు కార్యచరణ రూపొందిస్తున్నట్లు వెల్లడించారు. పాడిరైతులు, వినియోగదారులు తమ సంస్థకు రెండు కళ్లలాంటి వారని అభివర్ణించారు.