లారీ డ్రైవర్లను బెదిరించారు.. నగదు కాజేశారు!

ఇసుక లోడుతో నాలుగు లారీలు వెళ్తున్నాయి...ఇంతలో ఇద్దరు ఆ లారీలను ఆపారు. క్రైమ్ రిపోర్టర్ల​మంటూ నమ్మించారు. పోలీసులు తెలుసని వంచన చేసి...డ్రైవర్లను బెదిరించారు. వారి వద్ద నుంచి 27వేల రూపాయలు నగదు దోచుకుని పరారయ్యారు. చివరకు పోలీసులకు చిక్కారు.

క్రైమ్ రిపోర్టర్స్​మంటూ లారీ డ్రైవర్లను బెదిరించి 27వేల రూపాయల నగదు కాజేసిన ఘటన కృష్ణా జిల్లా కంచికచర్ల మండలం పరిటాల వద్ద చోటు చేసుకుంది. దీనిపై పోలీసులు కేసు నమోదు చేసి విచారణ చేపట్టారు.

పోలీసుల కథనం ప్రకారం..

ఈ నెల 9న తెల్లవారుజామున నాలుగు గంటల సమయంలో గనిఆత్కూరు ఇసుక రీచ్ నుంచి బిల్లులతో చట్రాయి ఆర్​వీఆర్ ప్రాజెక్టుకు ఇసుకను తరలిస్తున్నారు. పరిటాల సమీపంలో బైపాస్ వద్ద నాలుగు ఇసుక లారీలను ఇద్దరు క్రైమ్ రిపోర్టర్స్​మంటూ ఆపారు. బిల్లులు చూపమన్నారు. అన్నీ సక్రమంగా ఉన్నా.. అధిక లోడుతో వెళ్తున్నారని బెదిరించారు. పోలీసులు తెలుసని చెప్పి.. వారి వద్ద నుంచి రూ.27వేల నగదు వసూలు చేశారు.

వీరిలో ఒకరు గనిఆత్కూరు గ్రామానికి చెందిన యడ్లపల్లి రామనేంద్రబాబు​గా, ఇంకొకరు కొత్తపేట గ్రామానికి చెందిన పులి సువర్ణరాజుగా గుర్తించినట్లు పోలీసులు తెలిపారు. నిందితుల నుంచి 23 వేల రూపాయల నగదు, ఒక సెల్ ఫోన్, ఒక బైక్​ను స్వాధీనం చేసుకుని...రిమాండ్​కు తరలించారు.

ఇదీ చదవండి: