'పత్తి కొనుగోళ్లు వెంటనే ప్రారంభించాలి'

కాటన్ కార్పొరేషన్ ఆఫ్ ఇండియా అధికారులు వెంటనే పత్తి కొనుగోలు చేయాలని.. మాజీ ఎమ్మెల్యే తంగిరాల సౌమ్య డిమాండ్ చేశారు. లేదంటే ఆందోళన చేస్తామని హెచ్చరించారు.

కృష్ణా జిల్లా నందిగామ మార్కెట్ యార్డ్​లో కొన్ని రోజుల నుంచి పత్తి కొనుగోళ్లు జరగటం లేదని మాజీ ఎమ్మెల్యే తంగిరాల సౌమ్య ఆగ్రహం వ్యక్తం చేశారు. రైతుల ఆందోళన మేరకు ఆమె మార్కెట్ యార్డ్​ను పరిశీలించారు. పంట నాణ్యత లేదని ఆరోపిస్తూ... కొనుగోలు చేయకుండా ఇబ్బంది పెడుతున్నారని రైతుల ఆవేదన వ్యక్తం చేశారు. ఈ విషయమై సీసీఐ బయ్యర్ వ్యవహార శైలి సక్రమంగా లేదని సౌమ్య ఆగ్రహించారు. వెంటనే పత్తి కొనుగోలు చేయకపోతే తీవ్రస్థాయిలో ఆందోళన చేస్తామని హెచ్చరించారు.

అవసరమైతే బయ్యర్​ను మార్చాలని డిమాండ్ చేశారు. రైతులు తీవ్ర ఇబ్బందుల్లో ఉంటే కొనుగోలు చేయకుండా మరింత ఇబ్బంది పెట్టడం ఏంటని ప్రశ్నించారు. రైతులను ఇబ్బంది పెట్టకుండా కొనుగోలు చేయాలని యార్డు​ సూపర్​వైసర్​ స్వప్నను కోరారు. మొక్కజొన్న రైతులు కూడా ఇబ్బంది పడుతున్నారని త్వరగా.. పంటను కొనుగోలు చేయాలని డిమాండ్ చేశారు.

ఇదీ చదవండి: