'కరోనా నియంత్రణలో ప్రభుత్వం పూర్తిగా విఫలం'

కరోనా నియంత్రణలో ప్రభుత్వం పూర్తిగా నిర్లక్ష్యం వహిస్తోందని మాజీమంత్రి జవహర్​ ఆరోపించారు. కరోనా కేసులపై సరిగా స్పష్టత ఇవ్వడం లేదన్న ఆయన.. పాజిటివ్​ కేసుల పరిస్థితిపై అసలు నిజాలు బయటపెట్టాలన్నారు. అధికారుల కంటే ముందే ప్రజలకు కేసుల వివరాలు తెలుస్తున్నాయని ఎద్దేవా చేశారు.

కరోనా వ్యాప్తి నివారణలో సీఎం జగన్​ పూర్తిగా విఫలమయ్యారని మాజీమంత్రి జవహర్​ విమర్శించారు. రాష్ట్రంలో అన్ని జిల్లాల్లో ప్రతిరోజు పాజిటివ్ కేసుల వివరాలు రెండు నుంచి మూడుసార్లు ప్రభుత్వం బులెటిన్ విడుదల చేసేదన్నారు. ఇప్పుడు మాత్రం కేసుల వివరాలు బహిర్గతం చేయకుండా జిల్లా అధికారులను నియంత్రించి 24 గంటలకు ఒక బులెటిన్​ విడుదల చేయటంపై అనుమానాలు ఉన్నాయన్నారు. కరోనా పరిస్థితిపై అసలు నిజాలు బయట పెట్టాలని డిమాండ్​ చేశారు. కరోనాతో చనిపోయిన 31 మందికి ఎంతమేర ఆర్థిక సహాయం చేశారో చెప్పాలన్నారు. ప్రభుత్వం కంటే ముందు ప్రజలకే కేసుల వివరాలు తెలుస్తున్నాయని.. దీన్ని బట్టి యంత్రాంగం పనితీరు ఎలా ఉందో సీఎం చూడాలని ఎద్దేవా చేశారు.

ఇదీ చూడండి..