గూడవల్లిలో ఏడో రోజుకు చేరుకున్న ఈనాడు స్పోర్ట్స్ లీగ్

ఈనాడు స్పోర్ట్స్ లీగ్-2019 జిల్లా స్థాయి క్రికెట్ పోటీలు గూడవల్లి డీజేఆర్ ఇంజినీరింగ్ కళాశాల ప్రాంగణంలో ఏడో రోజు ఉత్సాహభరితంగా కొనసాగాయి. మొత్తం 4 మ్యాచ్​లలో జూనియర్స్ విభాగంలో రెండు జట్లు, సీనియర్స్ విభాగంలో రెండు జట్లు హోరాహోరిగా తలపడ్డాయి.

మెుదటి మ్యాచ్​లో లయోలా జూనియర్ కళాశాల-గవర్నమెంట్ పాలిటెక్నిక్ కళాశాల జట్లు పోటీపడ్డాయి. ఈ మ్యాచ్​లో లయోలా జూనియర్‌ కళాశాల జట్టు విజేతగా నిలిచింది. రెండో మ్యాచ్​లో ఎస్​ఏవీ అండ్ ఎన్​వీ జూనియర్​ కళాశాల-ఉషారామా పాలిటెక్నిక్ కళాశాల జట్లు హోరాహోరిగా పోటీపడగా... ఉషా రామా పాలిటెక్నిక్ కళాశాల జట్టు విజయం సాధించింది. మూడో మ్యాచ్ సీనియర్స్ విభాగంలో సన్ ఫ్లవర్ ఇంజినీరింగ్ కళాశాల-శ్రీవిద్యా డిగ్రీ కళాశాల జట్లు పోటిపడగా శ్రీవిద్య డిగ్రీ కళాశాల విజయకేతనం ఎగరేసింది. నాలుగో మ్యాచ్​ సీనియర్స్ విభాగంలో ఆంధ్రా లయోలా కళాశాల- మండవ ఇంజినీరింగ్ కళాశాల జట్లు పోటాపోటీగా తలపడగా ఆంధ్రా లయోలా కళాశాల విజయం సాధించింది.

ఇదీ చూడండి: ఉత్కంఠగా 'గూడవల్లి డీజేఆర్​' లో ఈనాడు స్పోర్ట్స్ లీగ్