దక్షిణ కొరియా సహకారంతో రాష్ట్రంలో స్టార్టప్, నైపుణ్యాభివృద్ధి కార్యక్రమాలు చేపడతామని విద్యాశాఖ మంత్రి ఆదిమూలపు సురేష్ తెలిపారు. ఏపీలో పర్యటించిన 60 మంది దక్షిణ కొరియా సభ్యుల బృందంతో సచివాలయంలో విద్యారంగ అవకాశాలపై చర్చించారు. ఏపీ - దక్షిణకొరియా మధ్య పాఠశాల, ఉన్నత, సాంకేతిక విద్యలో పరస్పర సహకారం ఇచ్చిపుచ్చుకునే అంశాలను ప్రస్తావించారు. విద్య, ఐటీ, పరిశ్రమలు తదితర రంగాల్లో పెట్టుబడుల కోసం దక్షిణ కొరియా ఆసక్తి చూపిస్తోందని అన్నారు. రాష్ట్రంలో దక్షిణకొరియా కేంద్రం... అలాగే ఆ దేశంలోని బుసాన్ నగరంలో ఏపీ కేంద్రం ఏర్పాటుపై పరిశీలన చేస్తున్నట్లు వివరించారు. విద్యారంగంలో సంస్కరణల కమిటీలను కూడా త్వరలోనే ఏర్పాటు చేస్తామని మంత్రి స్పష్టం చేశారు.
'దక్షిణకొరియా సహకారంతో రాష్ట్రంలో నైపుణ్యాభివృద్ధి'