రాష్ట్రం సుభిక్షంగా ఉండాలని... 20నుంచి యాగం

రాష్ట్రం సస్యస్యామలంగా ఉండాలని కాంక్షిస్తూ... ప్రజలు సుఖ సంతోషాలతో జీవించాలని ఆకాంక్షిస్తూ... దుర్గామల్లేశ్వర దేవస్థానం ఆధ్వర్యంలో వరుణ యాగం నిర్వహించనున్నారు.

విరివిగా వర్షాలు పడి రాష్ట్రం సుభిక్షం కావాలని ఆకాంక్షిస్తూ... వరుణ యాగం నిర్వహించనున్నట్టు దుర్గగుడి కార్యనిర్వాహణాధికారి కోటేశ్వరమ్మ వెల్లడించారు. ఈనెల 20 నుంచి 24 వరకూ వరుణ యాగం జరుగుతుందని తెలిపారు. ఈనెల 20నుంచి 22 వరకూ ఉదయం 6 గంటల నుంచి రెండు గంటలపాటు దేవస్థాన వేదం విద్యార్థులు, అర్చక స్వాములు దుర్గాఘాట్​లో వరుణ జపం, వరుణానుపాక, శతానువాక, విరాట్ పర్వ పారాయణం చేస్తారని వివరించారు. 23వ తేదీ ఉదయం 7 నుంచి 11 గంటల వరకూ మండపారాధనలు, తత్సంబంధిత దేవతామంత్ర హవనములు జరుగుతాయని తెలిపారు. చివరి రోజు 24న ఉదయం 6 నుంచి 11 గంటల వరకూ సహస్ర ఘటాభిషేకం జరుగుతుందని వివరించారు.