పిచ్చికుక్క స్వైర విహారం -ఆరుగురికి గాయాలు

కృష్ణా జిల్లా నూజివీడులో ఓ పిచ్చికుక్క స్వైర విహారం చేసి... ఆరుగురిని గాయపరిచింది. పట్టణంలోని వివిధ ప్రాంతాలలో పలువురిపై దాడి చేయడంతో ప్రజలు భయభ్రాంతులకు గురవుతున్నారు. బాధితులను స్థానిక ఆస్పత్రికి తరలించారు. బాధితులు పెరగకుండా కుక్కను అరికట్టేందుకు డాగ్ షూటర్‌ను రప్పిస్తున్నామని మున్సిపల్ కమిషనర్ తెలిపారు. కుక్కకాటు బాధితులకు సరిపడినన్ని మందులు అందుబాటులో ఉన్నాయని ఆస్పత్రి సూపరింటెండెంట్ స్పష్టం చేశారు.

.