టిడ్కో గృహాల లబ్ధిదారులకు నియామక పత్రాల పంపిణీ

కృష్ణా జిల్లా జగ్గయ్యపేట పట్టణంలో వైఎస్ఆర్​ వసతి గృహ కార్యక్రమం నిర్వహించారు. ఇందులో భాగంగా టిడ్కో గృహాల లబ్ధిదారులకు నియామక పత్రాలను పంపిణీ చేశారు.

కృష్ణా జిల్లా జగ్గయ్యపేట పురపాలక సంఘం ఆధ్వర్యంలో మున్సిపల్ టౌన్​షిప్​ హాల్​లో వైఎస్ఆర్ గృహా వసతి కార్యక్రమం నిర్వహించారు. ఈ కార్యక్రమంలో టిడ్కో గృహాల లబ్ధిదారులకు ప్రభుత్వ విప్, శాసనసభ్యుడు సామినేని ఉదయభాను నియామక పత్రాలను పంపిణీ చేశారు. పాదయాత్ర సమయంలో ప్రజలు చెప్పిన సమస్యలను తీర్చేందుకు సీఎం జగన్మోహన్​ రెడ్డి ప్రయత్నిస్తున్నారని ఎమ్మెల్యే అన్నారు. మాయమాటలు చెప్పి ఓట్లు గెలవటం తప్ప.. తెదేపా చేసిందేమి లేదని విమర్శించారు. ఎన్నికల ముందు​ ఇచ్చిన ప్రతీ హామీని ముఖ్యమంత్రి నెరవేరుస్తున్నారని పేర్కొన్నారు.

ఇదీ చదవండి: టిడ్కో ఇళ్ల వద్ద తెదేపా నేతల ఆందోళన