'మంత్రులు చేసిన వ్యాఖ్యలకు క్షమాపణ చెప్పాలి'

విదేశాల నుంచి విశాఖ వస్తున్న విద్యార్థుల పట్ల ఎలాంటి ముందు జాగ్రత్తలు తీసుకున్నారని రాష్ట్ర ప్రభుత్వాని దేవినేని ఉమ ప్రశ్నించారు. స్థానిక ఎన్నికల వాయిదా అంశంలో సుప్రీం తీర్పు వైకాపా ప్రభుత్వానికి చెంపపెట్టు అని ఆయన విమర్శించారు.

స్థానిక సంస్థల ఎన్నికల వాయిదా విషయంలో సుప్రీంకోర్టు తీర్పు .. రాష్ట్ర ప్రభుత్వానికి చెంపపెట్టు లాంటిదని తెదేపా నేత దేవినేని ఉమ విమర్శించారు. రాష్ట్ర ఎన్నికల సంఘానికి కులాన్ని ఆపాదిస్తూ మంత్రులు చేసిన వ్యాఖ్యలకు క్షమాపణలు చెప్పాలని ఆయన డిమాండ్ చేశారు. ప్రపంచమంతా కరోనాపై అప్రమత్తంగా ఉంటే.., రాష్ట్రంలోని ఒక్క జిల్లాలోనూ ఏ ఒక్క మంత్రి కూడా సమీక్షించకపోవడం దారుణమన్నారు. విదేశాల నుంచి విశాఖ వస్తున్న విద్యార్థుల పట్ల ఎలాంటి ముందు జాగ్రత్తలు తీసుకున్నారని ఆయన ప్రశ్నించారు.

ఇదీ చదవండి : భారత్​కు పయనమైన తెలుగు విద్యార్థులు