క్యాప్, మాస్క్తో పోలీసులు గుర్తుపట్టకుండా బయటకొచ్చిన దేవినేని ఉమ
విజయవాడలోని గొల్లపూడి ఎన్టీఆర్ విగ్రహం వద్ద దేవినేని ఉమ ఉదయం 10 నుంచి సాయంత్ర 5 గంటల వరకు దీక్ష చేపట్టాలనుకున్నారు. అయితే అంతకుముందు దేవినేని ఇంటి వద్దకు రాకుండా తెదేపా కార్యకర్తలను పోలీసులు అడ్డుకున్నారు. ఆయన ఇంటికి వెళ్లే మార్గాల వద్ద బారికేడ్లు పెట్టారు. దేవినేని ఉమ ఇంటి దగ్గర పోలీసులు భారీగా మోహరించారు. పోలీసులు గుర్తు పట్టకుండా క్యాప్, మాస్క్ పెట్టుకుని బయటకు వచ్చారు. కాసేపయ్యాక గుర్తుపట్టిన పోలీసులు దేవినేనిని అరెస్టు చేశారు.