విజయవాడకు చెందిన ధూపాటి శ్రీదేవి సామాజిక కార్యక్రమాల్లో పాల్గొంటుంటారు. ఓ వ్యక్తి ఫోన్ చేసి తాను జాతీయ పార్టీకి చెందిన వ్యక్తినని..దిల్లీలో ఉంటానని చెప్పాడు. మీకు నామినేటెడ్ పోస్ట్ ఇప్పిస్తానని అందుకు వాట్సప్‌నంబర్‌కు వివరాలు పంపాలని నమ్మించాడు. చివరకు తన కుమారుడి అప్రమత్తతతో..ప్రమాదం తప్పింది.
విజయవాడకు చెందిన రోజా అనే మహిళకు ఓ వ్యక్తి ఫోన్ చేశాడు. మహిమ కలిగిన పురాతన పంచలోహ విగ్రహాలు మీకు అతి తక్కువ ధరకు విక్రయిస్తామని నమ్మబలికాడు. ఇటువంటి సైబర్ నేరాలపై అవగాహన ఉండటంతో నిందితుని మాటలు నమ్మలేదు.
అయితే స్థానిక పోలీసులకు ఫిర్యాదు చేస్తే మీ నగదు ఏమీ పోలేదు కదా అని పట్టించుకోవట్లేదని బాధితులు ఆవేదన వ్యక్తం చేస్తున్నారు . తాజాగా నేరస్తులు అనుసరిస్తున్న విధానాన్ని పోలీసులు ఎప్పటికప్పుడు అవగాహన కల్పించాలని ప్రజలు కోరుతున్నారు .
