ఒకే కుటుంబంలో నలుగురికి కరోనా పాజిటివ్

కృష్ణా జిల్లా ఎ. కొండూరు మండలం కంభంపాడులో ఒకే కుటుంబంలో నలుగురికి కరోనా పాజిటివ్ వచ్చింది. వస్త్ర దుకాణం నిర్వహించే వ్యాపారి కుటుంబానికి వైరస్​ పాజిటివ్​ నిర్ధరణ కావటంతో గ్రామంలోని దుకాణాలన్నింటినీ అధికారులు మూసివేయించారు.

కృష్ణా జిల్లా ఎ.కొండూరు మండలం కంభంపాడులో కరోనా కలకలం రేపింది. కంభంపాడు ప్రధాన రహదారిలో వస్త్ర దుకాణం నిర్వహించే వ్యాపారి కుటుంబంలో నలుగురికి కరోనా పాజిటివ్ నిర్ధరణ అయిందని తహసీల్దార్ బాలకృష్ణారెడ్డి అధికారికంగా ప్రకటించారు.

ఈ క్రమంలో అధికార యంత్రాంగం అప్రమత్తమైంది. గ్రామంలో దుకాణాలన్నింటినీ మూసివేయించారు. ప్రజలు జాగ్రత్తగా ఉండాలని.. అనవసరంగా ఎవరూ బయటకు రావొద్దని సూచించారు.

ఇదీ చూడండి