గన్నవరం శివారు కాలనీలో కార్డెన్​ సెర్చ్​.... 40ద్విచక్ర వాహనాలు స్వాధీనం

కృష్ణాజిల్లా గన్నవరం శివారు ప్రాంతంలోని చెంచుల కాలనీలో ఉన్నతాధికారుల ఆదేశాల మేరకు నిర్బంధ తనిఖీలు నిర్వహించారు. ఈ తనిఖీల్లో నలభై ద్విచక్ర వాహనాలను, ఓ వ్యక్తి వద్ద తొమ్మిది మద్యం సీసాలను స్వాధీనం చేసుకున్నామని పోలీసులు తెలిపారు.

కృష్ణాజిల్లా గన్నవరం శివారులోని చెంచుల కాలనీలో కార్డెన్​ సెర్చ్​ నిర్వహించినట్లు పోలీసులు తెలిపారు. తూర్పు ఏసీపీ విజయపాల్, సీఐ శివాజీ ఆధ్వర్యంలో తనిఖీలు జరిగినట్లు చెప్పారు. ఈ తనిఖీల్లో ధ్రువపత్రాలు లేని 40 ద్విచక్ర వాహనాలను స్వాధీనం చేసుకున్నామని పేర్కొన్నారు. సంబంధిత వ్యక్తులు సరైన ఆధారాలు చూపిస్తే వారికి వాహనాన్ని తిరిగి ఇస్తామని... లేకపోతే చట్టపరమైన చర్యలు తీసుకుంటామని చెప్పారు.

గ్రామంలోని ఓ వ్యక్తి వద్ద తొమ్మిది మద్యం సీసాలు దొరికినట్లు చెప్పారు. ఆ వ్యక్తిని అదుపులోకి తీసుకున్నామన్నారు. సుమారు మూడు గంటలపాటు తనిఖీలు కొనసాగించినట్లు చెప్పారు. ప్రజలకు భద్రతాభావం, పోలీసులపై నమ్మకం, భరోసా కల్పించేందుకు కార్డెన్​ సెర్చ్ నిర్వహించినట్లు తెలిపారు.

ఇదీ చదవండి:Tadepalli Incident : 'త్వరలోనే నిందితులను మీడియా ముందు ప్రవేశపెడతాం'