జూపూడి వద్ద కొట్టుకున్న రెండు వర్గాల యువకులు
కృష్ణా జిల్లా ఇబ్రహీంపట్నం మండలం జూపూడి వద్ద రెండు వర్గాల యువకుల మధ్య ఘర్షణ జరిగింది. దాడిలో పలువురు తీవ్రంగా గాయపడ్డారు. అయితే పోలీసులు రావడంతో యువకులు పరారైయ్యారు. స్నేహితుల రోజు సందర్భంగా కీలేశ్వరంలోని వాటర్ ఫాల్స్కు విజయవాడకు చెందిన కొందరు యువతీయువకులు వెళ్లారు. అక్కడ స్థానిక, విజయవాడ నుంచి వెళ్లిన యువకులు మధ్య ఘర్షణ జరిగింది. ఈ క్రమంలో స్థానిక యువకులు కాపుకాసి.. కీలేశ్వరం నుంచి విజయవాడ వెళ్లేందుకు సిద్ధమైన విజయవాడ యువకులపై దాడి చేసి విపరీతంగా కొట్టారు. గొడవలో పలువురు యువకులు తీవ్రంగా గాయపడగా.. ఓ యువకుడి పరిస్థితి విషమంగా ఉన్నట్లు సమాచారం.