ఇసుక కొరతపై ఈ నెల 14న చంద్రబాబు దీక్ష

రాష్ట్రంలో నెలకొన్న ఇసుక కొరతపై తెదేపా అధినేత చంద్రబాబు దీక్ష చేపట్టనున్నారు. ఈ నెల 14న విజయవాడలో ఆయన ఒక రోజు దీక్ష చేయనున్నారు. ఉదయం నుంచి రాత్రి వరకు ఈ దీక్ష కొనసాగనున్నట్లు పార్టీ వర్గాలు తెలిపాయి. ఇసుక కొరతపై ఇప్పటికే రెండుసార్లు తెదేపా రాష్ట్ర వ్యాప్త ఆందోళనలు చేసింది. జనసేన అధినేత పవన్‌కల్యాణ్‌ విశాఖలో చేపట్టిన లాంగ్‌మార్చ్​కి సైతం మద్దతు తెలిపింది.

ఇసుక కొరత తీర్చడం చేతగాని అసమర్థ ప్రభుత్వ విధానానికి వ్యతిరేకంగా..ఈ నెల14న దీక్ష చేయనున్నట్లు....తెలుగుదేశం అధినేత చంద్రబాబు ప్రకటించారు.ఉదయం8గంటల నుంచి రాత్రి8గంటల వరకు దీక్ష కొనసాగుతుందన్నారు.భవననిర్మాణ కార్మికుల ఆత్మహత్యలపై మంత్రులు అహంభావంతో మాట్లాడుతున్నారన్న చంద్రబాబు....ఇప్పటికైనా ఆ పద్ధతిని మార్చుకోవాలని ప్రభుత్వాన్ని హెచ్చరించారు.