కృష్ణా జిల్లా పామర్రులో ఉదయం 7 గంటల సమయంలో సుబ్బరత్తమ్మ అనే మహిళ కిరాణా షాపునకు వెళ్తోంది. ఆమె వెనుకగా బైక్పై వచ్చిన దుండగులు.. అకస్మాత్తుగా ఆమె ముందు బండి ఆపారు. మహిళ మెడలోని నానుతాడు లాక్కెళ్లేందుకు ప్రయత్నించగా.. ఆమె ప్రతిఘటించింది. ఇది గమనించిన మరో మహిళ గట్టిగా అరవటంతో దుండగులు పారిపోయారు.
ఇలాంటి ఘటనే మండల పరిధిలోని జమీగొల్వేపల్లిలో జరిగింది. గ్రామానికి చెందిన నాగమణి ఉదయం 8 గంటల ప్రాంతంలో చెత్త పారబోసేందుకు బయటకు వచ్చింది. ఇది గమనించిన ఇద్దరు వ్యక్తులు బైక్పై ఆమెకు సమీపంగా వచ్చారు. అందులో ఒకరు బండి దిగి మహిళ మెడలోని రెండున్నర కాసులు బంగారు గొలుసు తెంపుకుపోయారు.