సీసీ కెమెరా మానిటరింగ్ వ్యవస్థ ప్రారంభించిన మంత్రి

కృష్ణా జిల్లాలో నేరనివారణకు కృషి చేస్తున్న పోలీసులను మంత్రి కొడాలి నాని అభినందించారు. గుడివాడ ఒకటో పట్టణ పోలీస్ స్టేషన్​లో ఏర్పాటు చేసిన సీసీ కెమెరా మానిటరింగ్ వ్యవస్థను ఆయన ప్రారంభించారు.

కృష్ణాజిల్లా గుడివాడ ఒకటో పట్టణ పోలీస్ స్టేషన్​లో నూతనంగా ఏర్పాటు చేసిన సీసీ కెమెరా మానిటరింగ్ వ్యవస్థను మంత్రి కొడాలి ప్రారంభించారు. దాతల సహకారంతో పోలీస్ స్టేషన్​లో అదనపు గదులు నిర్మాణం, సీసీ కెమెరాలు ఏర్పాటు చేసినట్లు ఎస్పీ రవీంద్రబాబు తెలిపారు. ఈ సందర్భంగా దాతలను సన్మానించారు.

జిల్లాలో నేరనివారణతోపాటు ఇసుక అక్రమ రవాణాపై ఉక్కుపాదం మోపుతూ ప్రభుత్వానికి మంచి పేరు తీసుకువస్తున్న పోలీసులను మంత్రి కొడాలి నాని అభినందించారు. ప్రజా రక్షణలో పోలీసుల పాత్ర మరువలేనిదని ఆయన వ్యాఖ్యానించారు.