కృష్ణా జిల్లా పెడన మండలం డీటీ పాలెంలో పోలీసులు, ఎన్ఫోర్స్మెంట్ బలగాలతో కలిసి.. నిర్బంధ తనిఖీలు నిర్వహించారు. ఎన్ఫోర్స్మెంట్ అడిషినల్ సీఐ జిందాల్ ఆధ్వర్యంలో ఈ సోదాలు జరిగాయి. 15 వేల లీటర్ల బెల్లం ఊట, వెయ్యి లీటర్ల నాటుసారా, నిర్వహణ సామగ్రిని స్వాధీనం చేసుకున్నారు. ఏడుగురిని అదుపులోకి తీసుకున్నారు.
నాటుసారా కాస్తూ పదేపదే పట్టుబడితే.. వారిపై పీడీ యాక్ట్ కింద కేసు నమోదు చేస్తామని ఎస్పీ హెచ్చరించారు. గ్రామస్థులకు కౌన్సిలింగ్ నిర్వహించారు. నాటుసారా తయారీ వదిలేయాలని సూచించారు. ప్రభుత్వానికి సహకరించి స్కిల్ డెవలప్మెంట్ కార్యక్రమంలో పాల్గొని జీవన శైలిని మార్చుకోవాలని కోరారు.