Miyapur Incident Updates: హైదరాబాద్లోని మియాపూర్ ప్రేమోన్మాది దాడి ఘటనలో గాయపడ్డ యువతి తల్లి శోభ గాంధీ ఆసుపత్రిలో చికిత్స పొందుతూ మృతి చెందింది. నిన్న తల్లి, కుమార్తెపై నిందితుడు సందీప్ దాడికి పాల్పడ్డాడు. అనంతరం తానూ గొంతు కోసుకుని ఆత్మహత్యాయత్నానికి పాల్పడ్డాడు. నిందితుడి పరిస్థితి కూడా విషమంగా ఉన్నట్లు వైద్యుల వెల్లడించారు.
అసలేం జరిగిదంటే:ఏపీలోని గుంటూరు జిల్లాకు చెందిన యువతి, ఆమె తల్లి.. సోదరుడితో కలిసి 8నెలల కిందట హైదరాబాద్‌కు వలస వచ్చారు. గుంటూరులో ఉంటున్న సమయంలో యువతికి రేపల్లెకు చెందిన సందీప్‌తో పరిచయం ఏర్పడింది. మూడు సంవత్సరాలుగా వీరిద్దరూ ప్రేమించుకున్నారు. వీరికి నిశ్చితార్ధం కూడా జరిగిందని పోలీసులు తెలిపారు. మనస్పర్థలు రావడంతో కొద్దికాలంగా యువతి.. సందీప్‌ను దూరం పెడుతూ వచ్చింది. అతనితో మాట్లాడడం మానేసింది.