విజయవాడ నగర శివారు పాయకాపురం సుందరయ్యనగర్లో విషాదం చోటుచేసుకుంది. విద్యుదాఘాతానికి గురై బాలుడు మృతి చెందాడు. ఇంటి ముందు తెగిపడిన విద్యుత్ తీగను పట్టుకోవటంతో ప్రమాదం జరిగింది.
మృతుడు చరణ్ స్థానిక ప్రభుత్వ పాఠశాలలో ఏడవ తరగతి చదువుతున్నాడు. బాలుడి మృతితో వారి కుటుంబంలో విషాదం అలుముకుంది. ఘటనపై నున్న గ్రామీణ పోలీసులు కేసు నమోదు చేసి దర్యాప్తు చేస్తున్నారు.