నదీ గర్భంలో కలిసిపోతున్న గ్రామం
కృష్ణా జిల్లా అవనిగడ్డ మండలం పులిగడ్డ గ్రామపంచాయతీలోని రేగుల్లంక గ్రామమిది. పులిగడ్డ వద్ద కృష్ణా నది రెండు పాయలుగా విడిపోతుంది.ఒక పాయ హంసలదీవి సాగర సంగమం వద్ద బంగాళాఖాతంలో కలుస్తుంది.మరొక పాయ,ఎదురుమొండి వద్ద సాగరంలో కలుస్తుంది.రెండు పాయలుగా విడిపోయే ప్రదేశంలోనే...రేగుల్లంక గ్రామం ఉంది.దీంతో కృష్ణానదికి వరదలు వచ్చినప్పుడల్లా...ఆ ప్రవాహ వేగానికి గ్రామం కొద్దికొద్దిగా నీటిలో కలిసిపోవడం ప్రారంభమైంది.ఇప్పటికే సాగుభూమితో పాటు50ఇళ్లు విరిగిపోయి...నదీ గర్భంలో కలిసిపోయాయి.