కృష్ణా జిల్లా అవనిగడ్డ మండలం పరిధిలోని నది పరివాహక ప్రాంతాల్లో ఇసుక అక్రమ రవాణా జరుగుతోందని.. ఈ దందాను అడ్డుకోవాలని అఖిలపక్ష నేతలు డిమాండ్ చేశారు. సీసీ కెమెరాలను పరిశీలించి ఇసుక దందా చేసిన వారిపై కఠిన చర్యలు తీసుకోవాలన్నారు. అవనిగడ్డ, నాగాయలంక, కోడూరు మండలాలకు నీరు అందించే అక్విడక్ట్ కు 300 మీటర్ల దూరంలో తవ్వకాలు ఎక్కువగా జరుగుతున్నాయి.
ఈ ప్రాంతం కోస్టల్ రెగ్యులేషన్ జోన్ లో ఉన్నప్పటికి అక్రమ తవ్వకాలు జరుపుతున్నారని స్థానికులు ఆరోపిస్తున్నారు. పెద్ద పెద్ద గోతులు పడి నది కోతకు గురవుతోందని ఆవేదన చెందుతున్నారు. ఈ కారణంగా ముప్పు వాటిల్లే ప్రమాదం ఉందన్నారు. అక్రమ తవ్వకాలు చేస్తున్న వారి పై చర్యలు తీసుకొవాలని స్థానికులు వేడుకుంటున్నారు.