గరికపాడు చెక్​పోస్ట్​ వద్ద అజ్మీర్​ యాత్ర బస్సు నిలిపివేత

కృష్ణా జిల్లా జగ్గయ్యపేట మండలం గరికపాడు చెక్​పోస్ట్ వద్ద 45 మందితో గుంటూరు వెళ్తోన్న ప్రైవేట్​ బస్సును పోలీసులు నిలిపివేశారు. బస్సులో ప్రయాణిస్తున్న వారందరికీ పరీక్షలు చేసిన తరువాతే రాష్ట్రంలోకి పంపుతామని అధికారులు తెలిపారు.

అజ్మీర్ యాత్రకు వెళ్లి తిరుగు ప్రయాణంలో రాష్ట్రానికి వస్తున్న 45మందిని పోలీసులు కృష్ణా జగ్గయ్యపేట మండలం గరికపాడు చెక్​పోస్ట్​ వద్ద నిలిపివేశారు. ఈ నెల 14న యాత్రకు బయలుదేరిన వీరు రైళ్లు రద్దవడంతో ప్రైవేట్​ బస్సులో రాష్ట్రానికి వస్తున్నారు. గుంటూరుకు చెందిన 41 మంది, విజయవాడకు చెందిన ఇద్దరు, మచిలీపట్నంకు చెందిన ఇద్దరు ప్రయాణికులు బస్సులో ఉన్నారు. వీరందరికీ పరీక్షలు చేసి పంపేందుకు అధికారులు ఏర్పాట్లు చేస్తున్నారు.

ఇదీ చూడండివాలంటీర్ల ద్వారా ఇంటింటికీ రేషన్