కృష్ణా జిల్లా మెువ్వ మండలం భట్లపెనుమర్రు గ్రామానికి చెందిన షేక్ మస్తాన్ వలీ గత ఏడాది డిసెంబర్ 27న పురుగుల మందు తాగాడు. బంధువులు వెంటనే విజయవాడ ప్రభుత్వాసుపత్రిలో చేర్పించారు. అక్కడి నుంచి ఈ నెల 6న గుంటూరు ప్రభుత్వాసుపత్రికి తరలించగా.. అక్కడ చికిత్స పొందుతూ శనివారం మృతి చెందాడు.
మృతుడు అడంగల్లో పేరు నమోదు కోసం రెవెన్యూ కార్యాలయం చుట్టూ ఎన్నిసార్లు తిరిగినా ఫలితం లేక.. మనస్తాపం చెంది ఆత్మహత్యకు పాల్పడినట్లు కుటుంబసభ్యులు చెప్పారు. ఆత్మహత్య విషయం తెలుసుకున్న రెవెన్యూ సిబ్బంది ఆగమేఘాల మీద అడంగల్లో పేరు నమోదు చేసినట్టు ఆరోపించారు. కూచిపూడి పోలీసులు కేసు దర్యాప్తు చేపట్టారు.