కృష్ణా జిల్లా నందిగామ మండలం జొన్నలగడ్డ చెక్పోస్ట్ వద్ద రాష్ట్ర సరిహద్దుల్లో... తెలంగాణ నుంచి మద్యాన్ని తీసుకువస్తున్న వారిని పోలీసులు పట్టుకున్నారు. ముందస్తు సమాచారం మేరకు జోన్నలగడ్డ చెక్పోస్ట్ వద్ద పోలీసులు తనిఖీలు నిర్వహించారు.
తెలంగాణ లోని మధిర నుంచి ద్విచక్రవాహనంపై మద్యాన్ని తరలిస్తున్న ఇద్దరిని అదుపులోకి తీసుకున్నారు. 108 మద్యం సీసాలను స్వాధీనం చేసుకున్నారు. నిందితులు ఐతవరం గ్రామానికి చెందిన వారిగా పోలీసులు గుర్తించి కేసు నమోదు చేసి చేశారు.