BABY SHOWER TO COW: మన ఇంట్లో ఏదైనా ఫంక్షన్ జరిగితే చుట్టుపక్కల వారిని, బంధువులను పిలిచి ఆనందంగా జరుపుకుంటాం. అలాగే ఇంట్లో పెంచుకుంటున్న ఆవుకు సీమంతం చేసిన ఓ కుటుంబం అదేవిధంగా అందరినీ పిలిచి శుభకార్యం నిర్వహించింది. మనుషులకు ఎలా సీమంతం చేస్తారో.. అదేవిధంగా చేసింది.
శ్రావణ శుక్రవార వేళ.. గోమాతకు సీమంతం
కోనసీమ జిల్లా మామిడికుదురు మండలం నగరంలో శ్రావణ శుక్రవారం సందర్భంగా గర్భంతో ఉన్న ఆవుకి వైభవంగా సీమంతం చేసింది త్రిమూర్తులు కుటుంబం. ముత్తాయిదువులతో కలిసి కార్యక్రమాన్ని జరిపించారు. పసుపు కుంకుమలతో, చీర సారేతో హారతులు పట్టారు. అనంతరం పేరంటాళ్లకు తాంబూలాలు అందజేశారు. గోవును పూజిస్తే సకల శుభాలు జరుగుతాయని.. దేశం సుభిక్షంగా ఉంటుందని త్రిమూర్తులు చెబుతున్నారు.