మద్యం మత్తులో స్నేహితుల మధ్య వివాదం- ఒకరి హత్య

మద్యం మత్తులో స్నేహితుల్నే చంపుకుంటున్నారు కొంతమంది. మత్తులో ఉన్నప్పుడు తలెత్తుతున్న వివాదాలు ప్రాణాల మీదకు వస్తున్నాయి. ఇద్దరు మిత్రుల మధ్య జరిగిన వివాదం యువకుని హత్యకు దారి తీసిన ఘటన గుంటూరు జిల్లా కేసానుపల్లిలో జరిగింది.

గుంటూరు జిల్లా నరసరావుపేట మండలం కేసానుపల్లి పరిధిలోని లలితాదేవి కాలనీలో ఉంటున్న మంద సాయివేణు, బలుసుపాటి వీరాంజనేయులు స్నేహితులు. బుధవారం రాత్రి ఇద్దరూ కలిసి మద్యం తాగుతుండగా చిన్న వివాదం చెలరేగింది. అది చినికి చినికి గాలివానగా మారింది.

ఆగ్రహంతో సాయి వేణు, వీరాంజనేయుల్ని కత్తితో పొడిచి హత్య చేశాడు. విషయం తెలుసుకున్న పోలీసులు నిందితున్ని అదుపులోకి తీసుకుని మృతదేహాన్ని ఆసుపత్రికి తరలించారు. కేసు నమోదు చేసినట్లు చెప్పారు.

ఇవీ చదవండి...